Misioni paqeruajtës ushtarak i NATO-s në Kosovë, KFOR, i cili njëkohësisht është edhe misioni më i gjatë në historinë e Aleancës Atlantike dhe aktualisht më i madhi, shënoi sot 26-vjetorin e themelimit. Ceremonia përkujtimore u mbajt më 12 qershor 2025, në Shtabin e KFOR-it, në Kampin Film City në Prishtinë.

Ceremonia u hap nga Komandanti i KFOR-it, Gjeneral Major Enrico Barduani, me vendosjen e një kurore në monumentin e të Rënëve, në nderim të atyre që kanë humbur jetën gjatë shërbimit.

“Ceremonia, e ndjekur nga personeli nga të gjitha 33 kombet kontribuese të trupave, filloi me vendosjen e një kurore dafine në monumentin e të Rënëve. Gjeneral Barduani bëri homazhe për 220 anëtarët e shërbimit që humbën jetën që nga viti 1999, duke deklaruar: “Shembulli i tyre duhet të frymëzojë detyrat tona të përditshme në përmbushjen e misionit tonë. Si misioni më i gjatë dhe aktualisht më i madh në historinë e NATO-s, KFOR-i qëndron si testament i angazhimit të qëndrueshëm dhe të prekshëm të Aleancës, dhe përpjekjet e saj mbeten themelore në mbështetjen e përparimit të nevojshëm politik drejt stabilitetit afatgjatë në rajon”, thuhet në njoftim./Arbresh.info